Avstraliyanın qərbində yerləşən fermada saxlanılan nəhəng öküz hər kəsin marağına səbəb olub. Onun hündürlüyü 1,94 metr, çəkisi 1400 kiloqramdır.

Teleqraf.com xəbər verir ki, Ceff Pirsonun fermasında saxlanılan Nikers adlı öküzün 7 yaşı var.

Ötən ay sahibi onu hərraca çıxarıb. Ancaq onu heç kim almayıb. Səbəbini də bu nəhənglə bacara bilməyəcəkləri ilə əsaslandırıblar. 20 min öküz arasında saxlanılan Nikers buzov olarkən axtalanıb. Bu səbəbdən onun nəsilartırma qabiliyyəti yoxdur.