Məşhur müğənni Keti Perri yaxın bir neçə gündə kosmosa uçmağa hazırlaşır

13-04-2025, 12:18           
Məşhur müğənni Keti Perri yaxın bir neçə gündə kosmosa uçmağa hazırlaşır
Dünya şöhrətli pop ulduzu Keti Perri 14 aprel tarixində "Blue Origin" raketi ilə kosmosa səyahətə çıxmağa hazırlaşır.

Oxu.Az-ın verdiyi məlumata görə, bu barədə o, "Elle" jurnalına müsahibəsində bəyan edib.

O, bu uçuşun onun üçün şəxsi və mənəvi bir missiya olduğunu vurğulayıb.

İfaçı Yer kürəsinin nə qədər qiymətli və qorunmağa layiq olduğunu hər an xatırlatması üçün kosmosa özü ilə "canlı bir varlıq" aparmaq niyyətini də açıqlayıb.

Bundan əlavə, Perri və onun həmkarları uçuş zamanı makiyaj etməyi düşünürlər.

"Kosmos nəhayət qlamur olacaq", - deyə sənətçi bildirib.

Keti Perri qeyd edib ki, bu səfərə çıxmaqda əsas məqsədlərindən biri qızı Deyzini xəyal qurmağa ruhlandırmaqdır:

"Ona göstərmək istəyirəm ki, istənilən insan - mənşəyindən, etnik kimliyindən, iqtisadi vəziyyətindən və ya təhsil səviyyəsindən asılı olmayaraq - öz arzularını gerçəkləşdirə bilər. Deyzi artıq böyük bir xəyalpərəstdir, halbuki hələ cəmi dörd yaşı var. Amma mən bunu təkcə onun üçün yox, gələcək nəsil üçün də edirəm", - deyə o əlavə edib.

Uçuş təxminən 11 dəqiqə davam edəcək və Yer atmosferi ilə kosmik boşluq arasındakı sərhəd hesab olunan Karman xəttinə qədər yüksələcək. Perri və həmkarları orbitə çıxmayacaqlar. Qeyd edək ki, bu missiya yalnız qadınlardan ibarət olacaq - bu isə 1963-cü ildə sovet kosmonavtı Valentina Tereşkovanın təkbaşına uçuşundan sonra ilk belə hadisədir.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru