Hipersəs raketinin vurulması, raket vasitəsilə sualtı qayığa zərbənin endirilməsi, dronlar vasitəsilə strateji aviasiyaya sarsıdıcı zərbə ("Tor" əməliyyatı) və s. misallar çoxdur.
Dünyanın hərb tarixində Rusiya ordusu daha bir "ilk"ə imza atdı.
Rusiyada 83-cü desant-hücum briqadasının bir qrup əsgər və zabiti yaralanmaları saxtalaşdıraraq, bir-birinə atəş açaraq və qanunsuz olaraq dövlət mükafatları əldə etməklə bağlı böyük bir qalmaqala səbəb olub.
Rusiyanın İstintaq Komitəsi müəyyən edib ki, 35 nəfərə yaxın hərbçi, o cümlədən yüksək rütbəli zabitlər polkovnik Artyom Gorodilov və polkovnik-leytenant Konstantin Frolov özlərinə və ya bir-birlərinə qəsdən güllə yarası yetirərək bunu döyüş yaralanması kimi rəsmiləşdiriblər. Başqa sözlərlə, əsgər və zabitlər bir-birinin ölümünə səbəb olmayacaq yerlərə atəş açırdılar və yaralanırdılar.
Məqsəd dövlət kompensasiyaları, əlavə güzəştlər, müalicə üstünlükləri və dövlət ordenləri qazanmaq olub.
Hər bir saxta "yaralanma" üçün ödəniş təxminən 3 milyon rubl (təxminən 60 min manat) təşkil edib.
İştirakçılara "Şücaət ordeni", "İgidliyə görə" medalı kimi mükafatlar qanunsuz şəkildə təqdim olunub.
Necə deyərlər: "Ölkə necədirsə, qəhrəmanları da elədir."
Kamran Cəfərov
TEREF