"Yorğunluq və əzginlik kimi halları tükənmişlik sindromundan ayırd etməyi bacarmaq vacibdir".

"Gazeta" nəşri xəbər verir ki, kardioloq İrina Tarasova yorğunluq və tükənmişliyi ayırd etməyin yollarını açıqlayıb.

Həkim bildirib ki, yorğunluq halı istirahətdən sonra keçər, səhər insan enerjili olur, həyata maraq göstərir, ünsiyyət qurur və əldə etdiyi nəticələrdən məmnunluq hiss edir.

Tükənmişlik isə fərqlidir. O, xroniki xarakter daşıyır. Yuxudan, məzuniyyətdən və həftə sonlarından sonra belə insan özünü əzgin hiss edir.

Bu halda olan insanlar susmağa üstünlük verir, təklikdə qalmaq istəyir. Bu hal apatiya, narahatlıq və qıcıqlanma ilə müşayiət olunur.

"Bəzən fiziki simptomlar da yaranır - xroniki xəstəliklər, zəifləyən immunitet, yüksələn təzyiq, baş və ürək ağrıları, yuxusuzluq. Müayinə aparan həkimlər çox vaxt heç nə aşkar etmirlər. Bədən ağrıyır, çünki ilk növbədə ruh vəziyyətiniz normal deyil", - deyə İ. Tarasova əlavə edib.