Ukrayna kəşfiyyatı Tulada rusların strateji yeraltı partlayıcı maddələr anbarını da məhv etdi...-RƏSMİ+VİDEO

Bu gün, 00:06           
Ukrayna kəşfiyyatı Tulada rusların strateji yeraltı partlayıcı maddələr anbarını da məhv etdi...-RƏSMİ+VİDEO
Avqustun 30-na keçən gecə Tula vilayətinin Aleksin şəhərindəki Aleksin kimya kombinatının ərazisində uğurlu əməliyyat keçirilib. Yerli sakinlər güclü partlayışlar barədə məlumat paylaşıblar. Tula vilayətindəki Rusiya KİV-ləri də Aleksində gecə saat 02:18 radələrində partalyışlar haqda məlumat yayıblar. Lakin "nikbinlik"lə qeyd ediblər ki, PUA qalıqları “istehsalat obyektinin ərazisinə düşüb” və dəqiq nə baş verdiyini açıqlamayıblar.

Moderator.az xəbər verir ki, "Fokus" portalı baş verənləri aşkara çıxarıb.

Mənbələr bildiriblər ki, atıcı silah sursatlarında, artilleriya sistemlərində və fərdi raket mühərriklərində istifadə edilən tüstüsüz toz olan piroksilin tozunun saxlandığı anbar dağıdılıb.

"Bu anbarın dağıdılması Rusiya hərbi-sənaye kompleksinin sursat istehsalında potensialını ciddi şəkildə zəiflədir", - BKİ qeyd edib.

Bununla belə, Tula və vilayətdə Rusiya Müdafiə Nazirliyinin hava hücumundan müdafiə sistemlərinin növbəti hava hücumunu dəf etdiyini bildiriblər.

Onlar həmçinin əmin ediblər ki, müəssisənin ərazisinə “dron tullantıları” düşüb, tələfat və dağıntı yoxdur. Aleksin haqqında başqa heç bir məlumat verilməyib.

Yerli sakinlərin özləri irimiqyaslı yanğının videosunu dərc edərək, silsilə səslər eşitdiklərini və çoxlu sayda yanğınsöndürən və təcili yardım maşınlarının zavoda tərəf getdiyini gördüklərini bildiriblər.

Xatırladaq ki, avqustun 30-da Ukrayna Silahlı Qüvvələrinin Baş Qərargahı Rusiya ərazisində mühüm obyektlərin, xüsusən də Krasnodar diyarındakı neft emalı zavodunun və Samara vilayətindəki Sızran zavodunun dağıdılmasını təsdiqləyib.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru