·
Hacı Şahinin vaxtsız vəfatı ölkənin gündəmini dəyişdi, milyonlarla insanı kədərə qərq etdi. Fotoda gördüyünüz bu izdiham onun dəfnindən çəkilib. Yəqin razılaşarsınız ki, bir nəfər də olsun bu dəfnə zorla aparılmayıb.
Onda isə sual olunur: Hacı Şahini öz xalqına , yaxın tariximizdən gəlib - keçmiş: Heydər Əliyev, Əbülfəz Elçibəy qədər sevdirən hansı keyfiyyətləri olub? Bu paralelləri həm də ona görə apardım ki, sonuncu dəfə belə izdiham məhz adını çəkdiyim liderlərin dəfnində yaşanıb. Hacı Şahini hamı dövlətinə bağlı, milli olan din adamı kimi tanıyırdı.
Hətta ən sərt oponentləri belə , məhz bu keyfiyyətlərinə görə onu ciddi tənqid edirdi. Bu izdiham bir daha sübut edir ki, Azərbaycan xalqı məhz dövlətinə bağlı olan dini liderlərin axtarışındadır. Etiraf edək ki, bu sahədə bizdə ciddi boşluqlar var.
Çünki dini liderlərin böyük əksəriyyəti inancındakı təriqətin açıq dəstəkçisi olan ölkələrə Azərbaycandan daha çox meyl edir. Hacı Şahin bu boşluğu doldurmaqla, şəkildə gördünüz sevgini qazanıbsa, deməli, dövlətimizin belə din adamlarına böyük ehtiyacı var.
Təsadüfi deyil ki, böyük mütəfəkirlərimiz bayrağımızı simvolizə edən rənglərin sırasına : həm dinə, həm də milliliyə aid komponentləri salıblar. Azərbaycan xalq heç vaxt nə dinini, nə də dövlətini kiməsə güzəştə gedən deyil! Hacı Şahinin vəfatına verilən reaksiyalar bunun bir daha sübut etdi…
Allah rəhmət eləsin!
Məhəmmədəli Qəribli
Teref.az