Teref.az yazır ki, Pakistan ordusunun istefada olan polkovniki Məsud Axtar Şeyx öz kitablarında erməni yalanlarını ifşa edir. Bu kitablarda gedən faktların kişik bir hissəsini tərcümə edərək oxuculara təqdim edirik:
Pakistan ordusunun istefada olan polkovniki Məsud Axtar Şeyxin İslamabadda ingilis dilində nəşr olunmuş "Yalan, yalan və yalandan başqa bir şey yoxdur" (Masud Akhtar Shakh. Lies, Lies, and more Lies. Islamabad, Encore-2007) kitablarından:
" Erməni Aqop Paşa Kazazyan maliyyə naziri, marşal Qarabet Arin Daud isə Poçt, Teleqraf və Telefon Nazirliyinə rəhbərlik edirdi. Sonrakı illərdə bu nazirlik daha üç dəfə ermənilər tərəfindən idarə olundu. Dünyanın bir çox aparıcı ölkələrində Osmanlı dövləti erməni səfirlərlə təmsil olunurdu. Məsələn, Qarabet Arın Daud Paşa Berlin və Vyanada, Dikran Aleksayan Brüsseldə, Etvart Söhrab Londonda, Kuyumcuyan Paşa Romada səfir olub.Bundan başqa, bir çox erməni xaricdəki missiyalarda müxtəlif vəzifələrdə çalışıb. Belə ki, Dikran Tingir Berlindəki səfirliyin müşaviri olub, Mihran Kavafyan Brüsseldə də analoji vəzifədə olub. Osmanlı İmperiyasının müxtəlif səfirliklərində 15 konsul və 12 erməni katib çalışırdı. Paşa rütbəli üç erməni xəzinə naziri vəzifəsini tutmuş, 18 erməni müdir vəzifəsində çalışmış, onlardan dördü Dövlət Şurasında təmsil olunmuş, qalanları bürokratik iyerarxiyaya cəlb edilmişdir. 50-dən çox erməni rəis-leytenant və ya Daxili İşlər Nazirliyinin yüksək rütbəli nümayəndələri idi.1855-ci ildə ermənilər qeyri-müsəlman əhalidən alınan və onları hərbi xidmətdən azad edən cizyə vergisindən azad edildi və həmin vaxtdan orduya çağırılmağa başladı. Beləliklə, Osmanlı İmperiyasındakı soydaşlarının zülm və ayrı-seçkiliyə məruz qaldığını iddia edən erməni müəlliflərinə inanmaq olmaz”.
Teref.az