Bu gün Qarabağda növbəti düşmən təxribatla bağlı düşüncələr və atılacaq addımlar haqqında təkliflər:
1) Ermənistanın və qondarma rejimin aylardır ağlaşma qurduqları Xankəndinin “blokadası” nağılları yalandır, çoxsaylı alternativ yollar var və qarşı tərəf Rusiya “sülhməramlılarının” birbaşa təşkili və iştirakı ilə o yollardan istifadə edir,
2) Lavrovun həyasızcasına, “10 noyabr sazişində sərhəd-keçid məntəqələri məsələsi nəzərdə tutulmayıb”, deməsinə fikir vermədən mütləq SKM-i qurulmalıdır – yəni, Azərbaycan, bəyəm 10 noyabr sazişi ilə idarə olunur?! Daxili qanunlarımız, Konstitusiyamız yoxdur?! Ana Yasamızda sərhədlərin qorunması üçün olan tələblər Parlament tərəfindən təsdiq olunmamış 10 noyabr kağızına görə yerinə yetirilməməlidir?! Sazişdə nə yoxdursa Azərbaycan qanunlarına və Konstitusiyasına görə tənzimlənməlidir,
3) Rusiya “sülhməramlıları” öz vəzifə borclarını yerinə yetirməyərək ancaq və ancaq qondarma rejimi qoruyub-bəsləməklə məşğuldular, ona görə də, Milli Məclisin gündəliyinə Azərbaycan ərazisindən “rusməramlıların” dərhal çıxarılması ilə bağlı müzakirə salınmalıdır. Kreml yumşaq dil anlayan deyil, mütləq Parlament belə bir qanun qəbul etməli, Prezidentin istənilən qanunu imzalamaq üçün Konstitusiyaya görə 2 aya yaxın zamanı olduğunu nəzərə alaraq, bu 2 ay ərzində ya Rusiya öz öhdəliklərini yerinə yetirməlidir (bu zaman Prezident veto hüquqndan istifadə edə bilər), əgər yerinə yetirməsə, məsələn, Azərbaycan dövlət orqanlarının Xocalıya dönüşünü təmin etməsə, sərhəddə SKM-nin yaradılmasına mane olsa, Xankəndində yaşayan erməni əsilli azərbaycanlılarla icmalararası təmaslara maneçilik törətsə, dərhal qanun imzalanmalı, “rusməramlıların” ölkədən çıxarılması proseduruna başlanılmalıdır.
Natiq Cəfərli