Rusiyapərəst və revanşist, işğalçı, separatçı xislətli erməni dairələri türk general-leytenant Mustafa Oğuzun rəhbərlik etdiyi NATO nümayəndə heyətinin Azərbaycana son səfərindən bərk hiddətlənib və qorxuya düşüblər.

Moderator.az Rusiyadakı erməni diasporunun "Yerkramas" nəşrində erməni jurnalist Aleksandr Andeasyanın "NATO Azərbaycanda və artıq Qarabağdadır... Rusiyanın reaksiyası necə olacaq?" başlıqlı məqaləsinin əsas hissələrinin tərcüməsini təqdim edir.

"Xanım Zaxarova, Peskov və başqaları Azərbaycanın Ermənistan sərhədlərinə təcavüzü(dırnaqarası-S.L.) qarşısında KTMT-nin tam fəaliyyətsizliyi fonunda İrəvanın dəvət etməyə məcbur olduğu Avropa Birliyinin Ermənistandakı mülki missiyasından hiddətlənib.

Bu arada, KTMT-yə üzv olan Qazaxıstan və Qırğızıstanın NATO ölkələri ilə birgə Türkiyə ərazisində, Azərbaycan, Kosovo, Almaniya və s. ilə birgə təlimlərdə iştirakı hallarına münasibəti eşidilmir. Azərbaycan Silahlı Qüvvələrinin NATO Türkiyəsi ilə açıq şəkildə birləşməsinə onlardan heç bir reaksiya yoxdur.

Azərbaycanın NATO-ya artan inteqrasiyasının yeni sübutu budur: “NATO nümayəndə heyəti Azərbaycandakı hərbi hissədə olub” (//www.gazeta.ru/army/news/2023/03/10/19930939.shtml?updated).

“Alyansın Quru Qoşunları Komandanlığının Qərargah rəisi, general-leytenant Mustafa Oğuzun rəhbərlik etdiyi NATO nümayəndə heyəti Azərbaycandakı hərbi hissələrdən birində olub. Bu barədə Azərbaycan Müdafiə Nazirliyinin rəsmi saytı məlumat yayıb.

Agentliyin məlumatına görə, NATO nümayəndələri hərbi hissədə xidmətdə olan hərbi texnika ilə tanış olub, onun taktiki-texniki xüsusiyyətləri barədə ətraflı məlumat alıblar.

Bildirilir ki, görüş iştirakçıları “ikitərəfli əməkdaşlığın inkişaf perspektivləri haqqında” fikir mübadiləsi aparıblar.
"Bəzi təfərrüatlara əsasən, NATO nümayəndə heyəti... Dağlıq Qarabağ(dırnaqarası-S.L.) ərazisində yaradılmış hərbi hissəyə baş çəkib.

NATO artıq Dağlıq Qarabağdadır və yalnız Ağdamdakı Rusiya-Türkiyə monitorinq mərkəzində deyil, artıq keçmiş DQMV-nin ərazisindədir.

Yaxşı, xanım Zaxarova və cənab Peskov bunu necə şərh edəcəklər? “Tarixi” Rusiya-Azərbaycan bəyannaməsinin imzalanmasının ildönümündə rəsmi Bakının atdığı dostluq addımları necədir?"- deyə hayk jurnalist hay-şivənlə sual edir.

Sultan Laçın