Ermənistan İstintaq Komitəsi Xarici İşlər Nazirliyinin əməkdaşı ilə bağlı məsələyə münasibət bildirib.

APA Ermənistan mediasına istinadən xəbər verir ki, 20 iyun 2025-ci il tarixində dövlətə xəyanətdə şübhəli bilinən Xarici İşlər Nazirliyinin əməkdaşına qarşı cinayət işi açılıb.

İstintaqın versiyasına görə, “həmin əməkdaş casusluqla məşğul olub, xarici dövlətin nümayəndəsinin dövlət sirri ilə tanış etmək üçün şərait yaradıb, düşmən fəaliyyətlərinə kömək edib”.

Xarici İşlər Nazirliyinin əməkdaşına qarşı dövlətə xəyanət maddəsi ilə cinayət təqibi başlanıb, barəsində həbs qətimkan tədbiri seçilib.

İstintaq Xarici İşlər Nazirliyinin digər işçilərinin və ya üçüncü şəxslərin iştirakı barədə məlumat əldə etməyib, onun tək hərəkət etmədiyi barədə məlumat təsdiqini tapmayıb.

Təqsirləndirilən şəxsin yüksək vəzifə tutması və ya Ermənistanın xaricdə konsulu olması barədə KİV-in məlumatları da təkzib edilib.

Xatırladaq ki, Ermənistanın Avstriyadakı xanım konsulu Azərbaycana casusluq ittihamı ilə saxlanıldığına dair məlumat yayılıb.