Türkiyəli alim Canan Karatayın çörək əvəzinə istehlak edilməsi lazım olan qida ilə bağlı açıqlaması diqqət çəkib. Mütəxəssislər tərəfindən dəstəklənən bu qida sağlam qidalanma üçün mühüm alternativ ola bilər. Foodinfo.az xəbər verir ki, alimin söylədiyinə görə, bu gün istehlak edilən ağ çörək və buna bənzər çörək məhsulları sağlamlığa bir çox mənfi təsir göstərir. Buna görə də çörəyin zərərlərindən xəbərdar olmaq və alternativ sağlam qidalanma variantlarını nəzərdən keçirmək vacibdir. Ağ çörəyin tərkibində yüksək işlənmiş un və şəkər olduğu üçün həzm sisteminə mənfi təsir göstərir. Yüksək glisemik indeks dəyərinə görə qan şəkərinin sürətlə yüksəlməsinə və düşməsinə səbəb ola bilər ki, bu da aclıq hissinin tez bir zamanda qayıtmasına səbəb olur. Çörəyin zərərli təsirləri arasında qluten həssaslığı və ya dözümsüzlüyü olan şəxslər üçün də əhəmiyyətli bir mövzudur. Bundan əlavə, bəzi çörək növlərində istifadə olunan əlavələr və konservantlar da sağlamlığa mənfi təsir göstərə bilər. Ona görə də sağlam qidalanma üçün təbii və orqanik çörəyin seçilməsi vacibdir. Canan Karatay çörək əvəzinə qoz yeməyi tövsiyə edir. Qozun verəcəyi toxluq hissi bütün gün sizə aclıq hiss etdirməyəcək. Prof. Dr. Canan Karatay gün ərzində istehlak edilən qozun orqanizmin gündəlik vitamin ehtiyacını qarşıladığını da vurğulayır.Mütəxəssis onu da bildirir ki, səhər yeməyində 4, naharda 2, axşam yeməyində 3 qoz yemək kifayətdir. Qoz ürək sağlamlığı üçün son dərəcə faydalı qidadır. Tərkibindəki Omeqa 3 sayəsində infarkt riskini də minimuma endirir. Qoz müntəzəm olaraq istehlak edildikdə immunitet sistemini gücləndirir, dəriyə parlaqlıq verir və qırışların yaranmasının qarşısını alır.