Moskvada “qanuni oğrular” növbəti dəfə bir yerə toplaşıblar.

Publika.az xəbər verir ki, təcili toplantı kriminal aləmdə kifayət qədər nüfuzu olan “Şakro Molodoy” ləqəbli Zaxar Kalaşovun təşəbbüsü ilə baş tutub.

Kriminal aləmin “xaç ataları” 12 nəfəri “qanuni oğru” titullarından məhrum ediblər. Onların arasında azərbaycanlı Namiq Səlifov da var. Namiq Səlifov hazırda həbsdə olan və “Lotu Quli” kimi ad çıxaran Nadir Səlifovun kiçik qardaşıdır. Namiq “qanuni oğru” adından məhrum edilən yeganə azərbaycanlı deyil, ondan başqa daha iki azərbaycanlı – “Rafət Əlibayramlinski” təxəllüslü Rafət Əlirza oğlu Əmirov və “Ceyhun Gəncinski” ləqəbli Ceyhun Nəbi oğlu Əsgərovun da “tac”ları əllərindən alınıb.

Azərbaycanlı “qanuni oğru”lara qarşı bu addımın bir neçə il öncə qətlə yetirilmiş “Ded Xasan”nın qohumlarının və yaxın ətrafının göstərişi ilə atıldığı bildirilir. (vesti.az)
teref.az olkaraq bu şəxslərin adlarının əllərindən alındığının və ya dayandırıldığı barədə tam məlumata malik deyilik.
Araşdırmalarımız davam edir!