"Aston Martin" dördqat dünya çempionu Maks Ferstappenlə "əsrin müqaviləsi"ni bağlamağa hazırdır. Komanda yarışçıya 3 mövsümə görə 300 milyon dollar təklif edir.

Oxu.az "La Gazzetta dello Sport"a istinadən xəbər verir ki, "Formula-1" komandası bu yolla Ferstappeni özünə cəlb etməyə çalışır.

Pilotun "Red Bull" ilə müqaviləsi 2028-ci ilin sonuna qədər davam edir, lakin razılaşmanın pozulma ehtimalı da var.

Qeyd olunur ki, belə səxavətli təklif komandanın sponsoru - Səudiyyə Ərəbistanının Suveren Fondu sayəsində mümkün olub.

Gözlənilir ki, yaxın gələcəkdə fond komandanı Kanada biznesmeni Lourens Strolldan satın alacaq.