Beynəlxalq Konkisürmə İttifaqı (ISU) rusiyalı fiqurlu konkisürən Veronika Jilinanın Azərbaycan yığmasına keçidinə icazə verməyib.

Gununsesi.info xəbər verir ki, bu barədə TASS agentliyi məlumat yayıb.

“ISU Şurası Veronika Jilinanın Azərbaycan yığmasına keçidini rədd edib”, – deyə mənbə bildirib.

Xatırladaq ki, mayın 13-də Rusiya Konkisürmə Federasiyasının prezidenti Anton Sixarulidze Jilinanın Azərbaycan komandasında çıxış etməsi ilə bağlı müraciətin təsdiqlənmədiyini açıqlamışdı.

17 yaşlı idmançı məşhur məşqçi Yevgeni Pluşenkonun yetirməsidir. O, ötən mövsüm zədə səbəbindən yarışları buraxmalı olub. Jilina 2023-cü ildə Rusiyanın yeniyetmələr üzrə çempionatının gümüş mükafatçısı və 2023-cü il Yeniyetmələrin Qran-pri finalının qalibi olub.