Manatın ikinci devalvasiyasından sonra Mərkəzi Bankın "üzən məzənnə"yə keçməsi və banklara məzənnəni müəyyənləşdirmək hüququ verməsi ciddi problemlərə səbəb olub.

Təbii ki, bu da süi-istifadəyə, özbaşınalıqlara səbəb olur, bəzi banklar məzənnəni istədikləri səviyyəyə yüksəldirlər.

Qaynar.info-nun əldə etdiyi məlumata görə, "Turan Bank"ın "Torqovı"da yerləşən filialı bu gün avronun məzənnəsini fantastik həddə çatdırıb. Belə ki, bank müştərilərə bu valyutanı 2 manat 30 qəpikdən təklif edib.

Qeyd edək ki, Mərkəzi Bank avronun məzənnəsini 1.7009 manat müəyyənləşdirib.