Bakıda oğrular işıq dirəklərini hədəf seçib - FOTO

15-02-2016, 09:38           
Bakıda oğrular işıq dirəklərini hədəf seçib - FOTO
Bakının mərkəzi küçələrində işıq dirəklərinin alt qapaqlarına qənim kəsilən şəxslər peyda olub.

Musavat.com xəbər verir ki, naməlum şəxslər Bakının müxtəlif mərkəzi küçələrində quraşdırılan işıq dirəklərinin alt qapaqlarını oğurlayıblar.

Artıq son bir neçə gün ərzində “Bakı Şəhər İşığı” Elektrik Şəbəkə Müəssisəsinə məxsus işıq dirəklərinin 30-dan çoxunun alt qapaqları oğurlanıb. Oğurluq hadisələri əsasən Nəsimi rayonunda H.Əliyev, H.Ələsgərova, C.Məmmədquluzadə küçələrində, Yasamal rayonunda isə Mətbuat və Tibilisi prospektlərində, A.Şərifzadə və N.Hikmət küçələrində qeydə alınıb. Qapaqların dəmir və metal əşyalar yığan şəxslər tərəfindən oğurlandığı ehtimal olunur.

“Bakı Şəhər İşığı” Elektrik Şəbəkə Müəssisəsi oğurluq halları ilə bağlı polisə müraciət edib.
Qeyd edək ki, son zamanlar metal oğruları paytaxt küçələrində kanalizasiya quyularının qapaqlarına, yol kənarındakı yağış-kanalizasiya sistemlərinə aid quyuların barmaqlıqlarına qənim kəsilib.

Bir müddət əvvəl isə müvafiq qurumlar bu barədə Daxili İşlə Nazirliyinə müraciət etmişdi. DİN əməkdaşlarının keçirdikləri əməliyyatlar zamanı 70-dən çox rabitə-kommunikasiya xidmətlərinə məxsus quyuların qapaqlarını oğurlayan şəxslər saxlanılmışdı.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru