Rusiyada 20 il əvvəl törətdiyi qətlə görə federal axtarışda olan azərbaycanlı saxlanılıb.

Lent.az-ın xarici mediaya istinadla məlumatına görə, müəyyən edilib ki, saxlanılan şəxs 2005-ci ilin fevralında Tosnenski rayonunun Nikolskoye kəndinin Pervomayskaya küçəsindəki kafedə başqa qonaqla münaqişə edib.

Dava zamanı o, bıçağı götürərək rəqibini ölümcül yaralayıb, bundan sonra hadisə yerindən qaçıb. İz hələ isti ikən cinayətin üstünü açmaq mümkün olmayıb.

Lakin illər sonra əməliyyatçılar hüquq-mühafizə orqanlarından gizlənərək sənədlərini dəyişdirən və uzun müddət saxta adla yaşayan 48 yaşlı azərbaycanlını yaxalaya biliblər.

Hadisəni törədən şəxsin yaxın vaxtlarda həbs olunacağı gözlənilir.