Bakıda dəhşətli qətl hadisəsi baş verib.

Bu barədə "Report"a Yasamal Rayon Prokurorluğundan bildirilib.

Məlumata əsasən, 40 yaşlı Kamran Mahmudovun itkin düşməsi barədə məlumat araşdırılarkən məlum olub ki, onu həyat yoldaşı 39 yaşlı Lalə Mahmudova və həyat yoldaşının Sədi adlı tanışı qətlə yetirib.

Lalə tanışı Sədi ilə birlikdə meyiti hissələrə bölərək İsmayıllı rayonunda meşəlik sahədə basdırıblar.

Hər iki şəxs saxlanılıb. Meyit İsmayıllıda hissələrə ayrılmış halda basdırıldığı yerdən çıxarılıb.

Faktla bağlı araşdırma davam etdirilir.