Rusiya-Ukrayna sərhədində diversantlar tankların köməyi ilə Şebekino keçid məntəqəsinə hücum ediblər.

Ölkə.Az xəbər verir ki, bu barədə Rusiyanın yerli mediası məlumat yayıb.

Məlumata görə, ukraynalıları rus sərhədçilər və Müdafiə Nazirliyinin döyüşçüləri saxlayırlar.

"Gecələr şəhər güclü atəşə tutulub. Mərmilərdən biri Daxili İşlər Nazirliyinin binasına düşüb. Bəzi sakinlər şəhəri tərk etmək qərarına gəliblər. Belqorod vilayətinin qubernatoru Qladkovun sözlərinə görə, Ukrayna Silahlı Qüvvələri Şebekino şəhərinin mərkəzi və şəhər kənarını “Qrad”dan atəşə tutub. İlkin məlumatlara görə, 5 qurban var", - məlumatda deyilir.

Fərdi yaşayış binasına birbaşa atəş zərbəsi olub, nəticədə o, yanıb. Fərdi və çoxmənzilli binaların pəncərələrinin və eyvanlarının çoxsaylı zədələnməsi ilə bağlı zənglər də olur, divarları mərmi deşmiş evlər var.

Gərginliyin davam etdiyi bildirilir.