Rusiya Dövlət Dumasının deputatı Adam Delimxanov teleqram kanalında onun yaralanması və ya ölməsi ilə bağlı şayiələrə cavab verib.
Yeniavaz.com xəbər verir ki, o, sağ-salamat olduğunu yazıb.
"Mən yaxşıyam! Satanistlər və nasistlər çox gözləyəcəklər! Ukrayna təbliğatının nə qədər yalan olduğunu hamımız gördük. Onlar öz auditoriyalarına qətiyyən hörmət etmirlər, açıq-aşkar saxtakarlığı yayırlar. Qərbin söz azadlığının mənası budur. Əsas diqqəti cəlb etməkdir, amma hansı şəkildə olmasının əhəmiyyəti yoxdur", - deputat bildirib.
Bu yazı dərc edilməzdən əvvəl deputatın teleqram kanalında Çeçenistan rəhbəri Ramzan Kadırovun kanalından Delimxanovun sağ və salamat olduğu bildirilən mesaj paylaşılıb.
Daha sonra Kadırovun kanalında Delimxanovla birgə iyunun 14-də çəkildiyi iddia edilən video yayılıb.
KİV videoda montaj elementlərinin olduğunu iddia edir. Kadırovun nitqindən aydın görünür ki, Çeçenistan rəhbərinin dodaqlarının hərəkəti audiotreklə üst-üstə düşmür.
Dəlimxanovun özü videoda xəsarət alması ilə bağlı mətbuatda yazılanları şərh etmir.
Qeyd edək ki, dünən Ukraynada gedən döyüşlərdə Rusiya Dövlət Dumasının deputatı Adam Delimxanovun yaralandığı deyilirdi.