"Urban Arrow" startapı şəhərdə ailə səfərlərinə yönəlmiş "FamilyNext Pro" yük-elektrik velosipedinin yenilənmiş modelini təqdim edib.

Oxu.Az bu barədə "4PDA" saytına istinadla xəbər verir.

Bildirilir ki, "Bosch Cargo" mühərrikli yeni nəqliyyat vasitəsi 25 km/saat sürətə çata bilir və adaptiv pedal çevirmə dəstəyindən istifadə edir.

"FamilyNext Pro" ön yük bölməsində 124.7 kq-a qədər, eləcə də strukturun qalan hissəsində analoji çəki daşıya bilər. Yeni təhlükəsizlik kəməri dörd uşaq sərnişini yerləşdirməyə imkan verir.

Velosipedin künclərində quraşdırılmış LED işıqlandırma, həmçinin 115 lümen fara var.

545 Vt gücündə batareya 50 km-ə qədər səyahət üçün kifayətdir. Elektrik velosipedin qiyməti 8 999 dollardır.