Amerika hava hücumundan müdafiə sistemlərinin yeni batareyalarının Ukraynaya çatdırılması bir neçə aydan tez baş tutmayacaq.

Musavat.com “The Telegraph”a istinadən xəbər verir ki, bunu Almaniyanın müdafiə naziri Boris Pistorius amerikalı həmkarı Piet Heqsetlə görüşündən sonra deyib.

Berlin Ukraynaya çatdırılmaq üçün Amerikanın iki "Patriot" hava hücumundan müdafiə sistemi almağı təklif edib. Pistorius bildirib ki, bu sistemlərdən birincisinin tezliklə çatdırılması mümkün olmayacaq.

Halbuki Donald Tramp daha əvvəl bildirib ki, "Patriot" sistemləri bir neçə gün ərzində Ukraynanın şəhərlərini Rusiyanın bombardmanlarından qorumaq üçün Ukraynaya gəlməyə başlayacaq. Pistorius ABŞ müdafiə naziri ilə Ukraynaya hücum silahlarının verilməsi məsələsini müzakirə edib-etməməsi ilə bağlı şərh verməkdən imtina edib.