Dilşad Əhmədova Zəngilan rayonundan məcburi köçkündü. Əvvəllər Azərbaycan Dövlət Neft Akademiyasının yataqxanasında yaşayan ailəni daha sonra bura köçürüblər. Bura Sumqayıt şəhəri, 32 məcburi köçkün ailəsinin yaşadığı “AZKOMPOZİT” zavodunun inzibati binasıdır. Müxtəlif bölgələrdən bura köçkün düşən adamların dərdi ortaqdı.

Adil Səfəriyev 1992-96-cı illərdə Qarabağda döyüşüb. O deyir ki, Qarabağ qazisi olsa da, ona dəyər verilmir.

Qaçqınların və Məcburi Köçkünlərin işi üzrə Dövlət Komitəsi dəqiq vaxt açıqlamasa da, bildirilib ki, dövlət proqramına əsasən qəzalı binalardan başlayaraq bütün məcburi köçkünlər mərhələli şəkildə köçürüləcək.

Ailələr zavodun kəsif qoxusundan azad olacaqları günü gözləyirlər.