Rusiya Barents dənizi ilə bağlı 2007-ci ildə Norveç, Finlandiya və İsveçlə imzalanmış müqaviləni denonsasiya etmək qərarına gəlib.
Bakupost.az "Qazeta"ya istinadən xəbər verir ki, bununla bağlı sərəncamı baş nazir Mixail Mişustin imzalayıb.
Bu sənəd Barents dənizində və Avro-Arktika regionunda əməkdaşlığın inkişafına kömək etməli olan Beynəlxalq Barents Katibliyinin yaradılmasını nəzərdə tuturdu.
Bundan əlavə, Moskva fövqəladə halların qarşısının alınması, hazırlıq və cavab tədbirləri sahəsində birgə fəaliyyət haqqında 2008-ci il sazişindən də çıxır. Müqavilə Danimarka, İslandiya, Norveç, Finlandiya və İsveçin daxil olduğu Barents Avro-Arktika Şurasının ölkələri tərəfindən imzalanıb. Rusiya 2023-cü ildə şuranı tərk edib.
Fevral ayında Rusiya Azov dənizi və Kerç boğazında təhlükəsizliklə bağlı Ukrayna ilə razılaşmadan çıxdı.
Oktyabr ayında Litva hökuməti Rusiya ilə ticarət gəmiçiliyi müqaviləsinin bağlanmasından 30 il sonra ləğv edilməsini təsdiqlədi.