Tanınmış ifaçı Rəqsanə İsmayılova həmkarlarını yıxıb-sürüyüb. R.İsmayılova bildirib ki, məşhur müğənnilər başqalarının əməyindən pulsuz istifadə edir.

"Bizimkilərə bir hay gərəkdir. Bir o qalıb ki, bazardan kartof-soğan da pay versinlər ki, instagram səhifəsində reklam etsinlər. Təki pul verməsinlər. Məscidin qapısı açıq olanda nə olar ki, adamda abır da olar. Heç kim heç kimə bu həyatda borclu deyil. Vallah hamı ailəsinə çörək qazanmağa çalışır. İnan Allaha geyim mağazaları, ayaqqabı, çanta, bijuteriya və daha nələr yığıb gətirərlər ki, bizi reklam et. Reklam etməyinə edərəm, amma bizə pay niyə verəsiniz ki? Olar, amma ayda-ildə bir dəfə. Mən tərəfdarı deyiləm ki, hər dəqiqə əziyyət çək, mən məşhuram deyə reklam edim, amma sən evinə çörək pulu aparma. Bunu ona görə yazdım ki, bir xanıma dırnaq qaynağı etdirdim və məndən pul götürmədi. Deyir ki, pul verməsəniz də olar, səhifənizdə reklam etsəniz bəsdir. Mən çoxları ilə belə işləyirəm- deyir. Sən işləyirsən, bəs onlara nə olub? Bəzən elə şeylər olur ki, mən qəbul edə bilmirəm. Özü də qadınlara qarşı belə edə bilmərəm. Toz-torpaq ağzına dola-dola işlə, amma məşhurdu deyə pul verməsin. Bugünə kimi 10 ilə yaxındır, hələ nə saçım, nə üzüm bir sözlə pulsuz heç bir iş gördürməmişəm. Mən bugün məşhur müğənni ola bilərəm, amma insanların əziyyətini yeyə bilmərəm. Dırnaq qaynağına 60-70 manat verməkdən heç nə olmayacaq. Bizimkilər istifadə etmək üçün əldən-ayaqdan gedir".(big.az)