Müğənni Şəbnəm Tovuzlunun dünyaya gələcək övladının atasının kim olmasıyla bağlı müxtəlif məlumatlar yayılıb.

teref.az yazır ki, criminal.az-a istinadən mətbuatda Ş.Tovuzlunun həyat yoldaşının Penitensiar Xidmətin 10 saylı Cəzaçəkmə Müəssisəsinin rəisi, ədliyyə polkovniki Eyvaz Əsgərovdun olduğu haqda məlumat getmişdi.

Müğənni Şəbnəm Tovuzlu AzNews.az-a açıqlamasında ədliyyə polkovniki Eyvaz Əsgərovu tanımadığını və məsələni məhkəmə yolu ilə həll edəcəyini dedi: “Bu məlumat acığa yazılıb. Mən o şəxsin adını belə eşitməmişəm. Evimdə, ailəmdə, sakit həyatımı yaşayıram. Deyirəm, nə yaman maraqlı gəldim? Bu boyda müğənnilər var, niyə onlardan yazmırlar? Heç olmasa Allahdan qorxun. Onun dərsini verəcəklər. Mən də məhkəməyə verdim. Çox istəyirəm ki, adımın hallandığı həmin şəxs onun dərsini versin. Bu jurnalistlər çox baş qaldırıb, bunlardan birinin başını əzmək lazımdır. Əgər onlardan birinin başı əzilsə sakitləşəcəklər. Adıma yazmadıqları kimlər qalmadı. Mən dinmirdim, amma məcburam”.

Ş.Tovuzlu hazırda həyat yoldaşının Moskvada olduğunu deyib: “Ordan eşidib. Əgər o burda olsaydı onu yazanın başını əzərdi. Onun dərsini verəcəklər. Onu bu məhərrəmlik gününə tapşırmışam. Nədir, Şəbnəm-Şəbnəm düşüblər üstümə, bu boyda Aərbaycanın problemi yoxdur yazmağa? Mən istəyirəm ki, adım yanaşı çəkilən şəxs də bunu yazanı məhkəməyə verib, onu cəzalandırsın”.