ARB TV-də yayımlanan “Gəlin danışaq” proqramına qonaq olan xalq artisti Nəzakət Teymurova, verilişin aparıcısı Zümrüd Qasımovanın sualını cavablandırarkən, göz yaşlarını saxlaya bilməyib.

Belə ki, monitorlarda xalq artistinin doğulub boya-başa çatdığı Ağdam rayonundan kadrlar verilərkən, sənətçi kövrəlib: “Mən hər zaman deyirəm ki, mənim gözlərim çox gözəl şeylər görüb”.

Aparıcının ünvanladığı “Ən çox nələri xatırlayırsınız ordan?” sualına Nəzakət Teymurova kövrələrək cavab verib: “Ailəmi, evimizi, nənəmi, ulu nənəmi, hətta məktəbi. Artıq danışa bilmirəm kövrəlirəm”.

Daha sonra Zümrüd Qasımova xalq artistindən “Sonuncu dəfə nə zaman çıxmısınız ordan?” – deyə sual verərkən sənətçi daha da pisləşib: “Mən hər zaman demişəm. Ana və vətən mənimçün toxunulmaz bir şeydir. Mən tələbə idim orda qalanda. Gəlib gedirdim. Camaat çölə çıxmırdı. Mən də bacımın uşaqları idi, getmişdim. Saat 7 radələri olardı. Gördük ki, vəziyyət belədir”.