Abunəsiz “Microsoft Office” paketi gələn il əlçatan olacaq

26-09-2020, 00:06           
Abunəsiz “Microsoft Office” paketi gələn il əlçatan olacaq
“Windows” və “macOS” üçün abunəsiz “Office” ofis proqramları paketi 2021-ci ildə əlçatan olacaq. “Microsoft”dan verilmiş məlumata əsasən, yeni paket üçün müddətsiz lisenziyanı gələn ilin ikinci yarısında birdəfəlik ödəniş vasitəsilə satın almaq mümkün olacaq.

Azərtac xarici saytlara istinadən xəbər verir ki, indi yalnız “Microsoft 365″ə (əvvəlki “Office 365”) abunə olmaqla “Office”in ən yeni versiyalarına giriş əldə etmək mümkündür. Abunəyə son funksiyalara malik “Word”, “Excel”, “PowerPoint”, “Outlook” və başqa proqramlara tam giriş, “OneDrive” bulud sistemində 1 TB, “Skype”da mobil və şəhər telefonlarına 60 dəqiqəlik zəng, həmçinin virus və fişinq xarakterli hücumlardan qorunmaq üçün alətlər daxildir.

“Microsoft” hesabını qoşmaqla “Office” paketinin bəzi proqramlarını pulsuz istifadə etmək olar. Ancaq abunədən fərqli olaraq, onları kompüterə quraşdırmaq olmaz.












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.