Sahil Babayev sosial yardım alanların sayını belə azaldır? - DSMF-dən daha bir GİLEY

16-09-2020, 10:31           
Sahil Babayev sosial yardım alanların sayını belə azaldır? -
Gəncə şəhər, Cavad xan küçəsi, 7-ci döngə, ev 32 ünvanında yaşayan Nağıyev Vüqar Natik oğlu ünvanlı sosial yardım ala bilmədiyindən şikayətlənir. Onun dediyinə görə , ünvanlı sosial yardım almaq üçün sənədlərini VEMTAS sisteminə göndərib.

Ancaq bir müddət sonra imtina cavabı gəlib. Səbəb kimi isə onun həyat yoldaşının adına olan Goranboy rayonunda yerləşən torpağın sənədlərinin göstərilməsi olub. Vüqar Nağıyev dəfələrlə Daşınmaz Əmlakın Dövlət Reyestri Xidmətinin 7 saylı Bərdə Ərazi İdarəsinə müraciət edib, ancaq ona bildirilib ki, həmin torpaq sahəsi onun adından çıxarılıb.

O, həmçinin sözügedən idarənin Goranboy rayon şöbəsinə də müraciət edib və eyni cavabı alıb. Son olaraq o, rəsmi qaydada Əmlak Məsələləri üzrə Dövlət Komitəsinin nəzdində olan Daşınmaz Əmlakın Dövlət Reyestri Xidmətinə müraciət etsə də, heç bir cavab ala bilməyib. Nağıyev Vüqar Natik oğlu dövlət qurumları arasında əlaqənin olmadığına görə əziyyət çəkdiyini və maddi sıxıntılar içərisində yaşamaq məcburiyətində qaldığını bildirir. //gozetci.az//шаблоны для dle 11.2












Teref.info © 2015
E-mail: [email protected]            Telefon: 051 933 93 21            Baş redaktor: Nurəddin (Xoca) İsmayılov
Məlumat internet səhifələrində istifadə edildikdə müvafiq keçidin qoyulması mütləqdir.
Sayt Webmedia.az tərəfindən hazırlanmışdır.