Çin və Tayvan arasında gərginlik artmağa davam edir. Çin Kommunist Partiyasının rəhbərliyi altında olan dövlət mediası açıq şəkildə müharibə təhdidini davam etdirir.

Publika.az xəbər verir ki, "Global Times" nəşri Çin ordusuna həyəcan siqnalı verib və "hər an döyüşə hazır olmağı" əmr edib. Bu xəbərdən sonra Tayvan ordusunun da hazır vəziyyətə gətirildiyi bildirilir.

Sözügedən xəbərlər arasında Tayvanın "qiyamət" ilə üz-üzə qaldığı ilə bağlı da təhdid yer alıb. İki ölkənin hərbi qüvvələri müqayisə edildikdə aydın olur ki, Çin 2,1 milyon əsgər, 3260 təyyarə və 3205 tankla Tayvan üzərində üstünlüyə malikdir.

Ancaq mütəxəssislər Tayvanın ərazi səbəbiylə partizan döyüşləri üçün uyğun olduğu bir qarşıdurmada hər iki tərəfin ciddi itkilər verəcəyi ilə bağlı xəbərdarlıq edir.