ABŞ hətta münaqişə həll edildikdən sonra da Ukraynaya hərbi yardım göstərməyi planlaşdırır.

“Report” xəbər verir ki, bu barədə ABŞ Prezidenti Donald Tramp tərəfindən ölkənin Silahlı Qüvvələrinin Birləşmiş Qərargah Rəisləri Komitəsinin sədri vəzifəsinə namizədliyi irəli sürülən Den Keyn bildirib.

“Müharibə başa çatdıqdan sonra Ukraynaya ordusunu inkişaf etdirməyə və uzunmüddətli sabitliyi təmin etməyə kömək etməyə davam etməliyik”, - Keyn namizədliyi üzrə dinləmələrdən əvvəl amerikalı senatorların suallarına yazılı cavabında vurğulayıb.

Onun sözlərinə görə, ABŞ Ukraynanın müdafiə qabiliyyətini dəstəkləyən dövlətlər şəbəkəsinin bir hissəsidir və Avropa Kiyevə yardım payını artırarkən diqqəti unikal hərbi resursların təchizatına yönəltməlidir.