ABŞ prezidentinin Ukrayna üzrə xüsusi nümayəndəsi Kit Kelloq avqustun 23-də Kiyevə səfər edəcək.

Bu barədə Ağ Evin müxbiri Qrem Sletteri özünün "X" hesabında xəbər verib.

Məlumata görə, Kelloqun səfərinin məqsədi Kiyevdə Milli Dua Ziyafətinə qatılmaq və avqustun 24-də keçiriləcək Ukrayna Müstəqillik Gününü qeyd etməkdir.

Sletterinin həmsöhbətlərinin sözlərinə görə, Kelloq, həmçinin bu həftə aktivləşən Ukrayna münaqişəsinin diplomatik yolla həlli cəhdlərini müzakirə edəcək.

Müxbir qeyd edib ki, səfər təhlükəsizlik zəmanətlərinin müzakirəsi fonunda baş tutacaq.