Təxminən 3500 kilometrlik sərhəd xətti olan Çin və Hindistan son günlərdə böyük bir gərginlik yaşayır.

Axar.az xəbər verir ki, yüzlərlə hind əsgərinin sərhədi pozduğunu bildirən Pekin rəhbərliyi Tibet bölgəsində hərbi təlimlər keçirir. Çin ordusu təlim zamanı müəyyən edilən hədəfləri sərrast raket zərbələri ilə məhv edib.

Qeyd edək ki, Çin Xarici İşlər Nazirliyi iki gün əvvəl yaydığı bəyanatda 400-dən çox hind əsgərinin sərhədi keçdiyini bildirərək Hindistanı qınamışdı.