Binəqədidə “ayıq sürücü” müştərini döyüb, ona bıçaqla hucum edib

2-12-2019, 03:21           
Binəqədidə “ayıq sürücü” müştərini döyüb, ona bıçaqla hucum edib
Bakıda döyülmə faktı baş verib.

“Report” xəbər verir ki, hadisə Binəqədi rayonunda qeydə alınıb.

Belə ki, Həsənov Mübariz Məhəmməd oğlu içkili olduğu üçün şirkətlərin birindən onu yaşadığı ünvana aparması üçün “ayıq sürücü” xidmətindən istifadə edib.

Lakin, “Mercedes” markalı avtomobildə hərəkətdə olarkən sürücü ilə avtomobil sahibi arasında mübahisə düşüb.

Daha sonra mübahisə davaya çevrilib. Sürücü 60 yaşlı kişinin baş nahiyəsinə zərbələr endirib.

Nəticədə ağır xəsarət alan H. Mübariz təcili yardımın köməkliyilə huşsuz vəziyyətdə xəstəxanaya gətirilib.

Yaralının ailə üzvləri bildirib ki, ayıq sürücü H. Mübarizi döyməklə kifayətlənməyib. Belə ki, o avtomobilin şüşələrini sındırıb və ahıl kişiyə bıçaqla hücum edib.

Lakin ətrafdakılar onun qarşısını kəsiblər. Hazırda faktla bağlı araşdırma aparılır.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru