Sosial şəbəkədə Moskva istiqamətində uçan PUA-nın Lyubertsı vilayətində məhv edildiyi anı əks etdirən yeni video yayılıb.

Publika.az xəbər verir ki, videogörüntülər "Mash" "Telegram" kanalında yayımlanıb .

Kadrlarda özəl yaşayış binalarının üzərində səmada güclü parlaq parıltı görünür.

Qeyd edək ki, Ukraynaya məxsus PUA avqustun 28-nə keçən gecə yenidən Moskvaya hücum edib. Rusiya Müdafiə Nazirliyinin məlumatına görə , hava hücumundan müdafiə sistemləri Moskva vilayətinin Lyuberetski rayonu üzərində təyyarə tipli pilotsuz uçan aparatı vurub.

Paytaxtın meri Sergey Sobyanin bildirib ki, heç kim xəsarət almayıb, dağıntı qeydə alınmayıb.

Hücum baş verən gecə Moskvanın Vnukovo və Domodedovo hava limanları təyyarələrin qəbulunu və yola salınmasını dayandırıb. 15-dən çox reys uçuş və eniş üçün təxirə salınıb.