İŞİD liderinin Türkiyədə yaxalanan sağ qolu İsmail İthavi (Əbu Zeyd əl İraqi) bizə təslim edilib.

Bu sözləri İraqın hökumətinin təhlükəsizlik müşaviri Hişam Haşimi deyib.

O bildirib ki, sözügedən şəxsin telefonunda olan tətbiqetmə sayəsində 4 İŞİD komandanı da nəzarətə götürülüb:

“Əbu Zeyd fevral ayında tutulmuşdu. Bu yaxınlarda isə İraq hökumətinə təhvil verildi. Terrorçunun telefonunda olan Teleqram mesajlaşma proqramı vasitəsilə digər 4 İŞİD komandanı aldadılaraq İraqa gətirilib. Onlar elə sərhəddəcə tutulub. Terrorçuların arasında Şərqi Fəratın valisi Səddam Camal da var”.

Haşimi bildirib ki, İsmail və Camal bu günə qədər İŞİD-in yaxalanan ən böyük rütbəli terrorçularından biridir.