Astronomların nəzarətdən qaçırdıqları kabus asteroid yaxınlaşır.

Teleqraf.com xəbər verir ki, bu barədə “EarthSky” nəşri məlumat yayıb.

“2010 WC9” asteroidi mayın 16-da yerli vaxtda 02.05-də Yer kürəsinə yaxınlaşacaq, 203 min km məsafədən saatda 46 min kilometr sürətlə keçəcək. Diametri isə 60-130 metr təşkil edir.

Sözügedən asteroid ilk dəfə 2010-ci ilin noyabrında aşkar edilib. Həmin ilin dekabrında diqqətdən itən göy cismi yenidən mayın 8-də peyda olub. Astronomlar onun planetə düşməsi təhlükəsinin olmadığını bildirirlər.

Mütəxəssislər asteroidi həvəskar teleskop müşahidə etmək mümkün olduğunu vurğulayıblar.

Qeyd edək ki, 2018-ci ilin fevralında Rusiya 210 milyard dollara kosmosdan gələn təhlükəni (asteroid əleyhinə silah) dəf etmək üçün istilik-nüvə meqaraketinin yaradılmasını təklif edib.