Tramp Milli Antiterror Mərkəzinin direktoru vəzifəsinə namizəd irəli sürüb
26-06-2018, 08:49
ABŞ prezidenti Donald Tramp Milli Antiterror Mərkəzinin direktoru postuna Cozef Maquayrın namizədliyini irəli sürüb.
APA-nın xəbərinə görə, bu barədə Ağ Evin yaydığı açıqlamada bildirilir. 66 yaşlı C. Maquayrın namizədliyini Senat təsdiq etməlidir.
Hazırda sabiq ABŞ Hərbi-Dəniz Qüvvələrinin vitse-admiralı Cozef Maquayr “Special Operations Warrior Foundation” qeyri-hökumət təşkilatına rəhbərlik edir. Təşkilat xüsusi əməliyyatlar zamanı həlak olan ABŞ əsgərlərinin uşaqlarına yardım edir.
C.Maquayr Milli Antiterror Mərkəzinin direktoru postunda 2014-cü ildən quruma rəhbərlik edən və bu yaxınlarda vəzifəsini tərk edən Nikolas Rasmusseni əvəzləyəcək.
