Millimizin sabiq üzvü Almaniyada qollarını sıralayır
29-03-2018, 09:29
Milli komandamızın sabiq üzvü Rüfət Dadaşovun çıxış etdiyi “Dinamo” Almaniyanın Şimal-Şərq Regional Liqasında növbəti oyununu keçirib.
Qol.az-ın məlumatına görə, Berlin təmsilçisi səfərdə “Altqlinike” ilə qarşılaşıb. Görüş “Dinamo”nun 2:1 hesabı qələbəsi ilə başa çatıb.
90 dəqiqə meydanda olan Rüfət Dadaşov görüşdə komandasının ilk qolunu vurub.
“Dinamo” hazırda 42 xalla turnir cədvəlinin 2-ci pilləsində qərarlaşıb.
Qeyd edək ki, Rüfət Dadaşov Azərbaycan millisində almaniyalı sabiq baş məşqçi Berti Foqtsun vaxtında çıxış edib və 16 oyunda 4 qol vurub.
