Masazırda dəhşətli faciə baş verib.

Publika.az-ın hadisənin şahidlərinə istinadən verdiyi məlumata görə, azyaşlı uşaq çoxmərtəbəli binanın 6-cı mərtəbəsindən düşüb.

İlkin məlumata görə, uşağın anası böyük övladını məktəbdən gətirmək üçün evdən çıxıb. 4 yaşlı uşağı yatdığı üçün onu özü ilə aparmayıb.

Ana evdə olmadığı müddətdə uşaq yuxudan oyanıb və stula çıxaraq pəncərədən aşağı boylanan zaman yıxılıb.

Hadisə şahidləri bildirilər ki, körpə yoldan keçənlər tərəfindən ağır vəziyyətdə xəstəxanaya aparılıb. Lakin onun yaşamaq şansının az olduğu bildirilir.

Ana isə hadisə barədə məktəbdən qayıdanda xəbər tutub. Pəncərənin altında qan izini görən ana özündən gedib.