Dərman idxalı ilə bağlı şübhəli gömrük statistikası

9-10-2015, 00:09           
Dərman idxalı ilə bağlı şübhəli gömrük statistikası
Tarif (qiymət) Şurası 2015-ci il 5 oktyabr tarixli qərarı ilə daha 1126 dərman vasitəsinin qiymətini təsdiq edib. 1079 dərman vasitəsinin qiyməti 1 dekabr 2015-ci il tarixindən qüvvəyə minəcək, deyə İqtisadiyyat və Sənaye Nazirliyi məlumat verir.

Nazirliyin məlumatına görə, indiyədək dövlət 2183 dərman vasitəsinin qiymətlərini tənzimləyib. Dərman vasitələrinin 53%-nin qiyməti 2 dəfədən çox, 28%-nin qiyməti 3 dəfədən çox aşağı salınıb. Satışda olan dərman vasitələrinin 98%-i üzrə qiymətlər endirilib.

Rəsmi statistikaya əsasən, Azərbaycan vətəndaşların və dövlət tibb müəssisələrinin tələbatının 99%-i idxal hesabına təmin edilir. Maraqlı fakt budur ki, dərman idxalı üzrə gömrük statistikası ekspertlərdə böyük şübhə doğurur.

Məsələ burasındadır ki, Gömrük Komitəsinin məlumatına görə, bu ilin 8 ayında rəsmi dərman idxalı həcmi $185 mln təşkil edib. Bu, ötən ilin eyni dövründəkindən 16,3% çoxdur. Ciddi istehsal potensialı olan Gürcüstan bu dövrdə $428,2 mln məbləğində və ya 2014-cü ilin eyni dövründəkindən ($201,3 mln) iki dəfə çox dərman idxal edib. Gürcüstan bu dövrdə $84,5 mln (+42%) məbləğində dərman ixrac edib. Azərbaycan isə bu dövrdə $0,4 mln məbləğində dərman ixrac edib və ixrac $11, mln azalıb.












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru