İsrail hərbçiləri Qəzzada xəstəxanadan uşaqların təxliyəsinə kömək edəcəklər

12-11-2023, 07:58           
İsrail hərbçiləri Qəzzada xəstəxanadan uşaqların təxliyəsinə kömək edəcəklər
İsrail hərbçiləri bazar günü, noyabrın 12-də Qəzzada “Əş-Şifa” xəstəxanasının uşaq şöbəsindən uşaqların təxliyəsinə kömək edəcəklər.

Bu barədə İsrail Müdafiə Ordusunun rəsmi nümayəndəsi Daniel Haqari məlumat verib.

“Əş-Şifa” Xəstəxanasının əməkdaşları bizdən xahiş edib ki, uşaq şöbəsindən olan uşaqların sabah daha təhlükəsiz xəstəxanaya köçürülməsinə kömək edək. Biz lazımi yardımı göstərəcəyik”, - deyə o, axşam brifinqində bildirib.

Haqari vurğulayıb ki, İsrail hərbçiləri klinika binasını bloklayıb və oradan çıxmaq istəyənlər üçün keçid qalıb.
“Bu gün Qəzzadan çoxlu dezinformasiyalar gəlib, ona görə də mən faktlara aydınlıq gətirmək istəyirəm: “Əş-Şifa” Xəstəxanası mühasirəyə alınmayıb, təkrar edirəm, mühasirə yoxdur. Xəstəxanadan çıxmaq istəyən qəzzalıların təhlükəsiz çıxışı üçün xəstəxananın şərq hissəsi Əl-Vadi küçəsi tərəfindən açıqdır. Biz xəstəxana işçiləri ilə birbaşa və müntəzəm əlaqə saxlayırıq”, - deyə Haqari qeyd edib.

Mənbə: TASS












Teref.az © 2015
TEREF - XOCANIN BLOQU günün siyasi və sosial hadisələrinə münasibət bildirən bir şəxsi BLOQDUR. Heç bir MEDİA statusuna və jurnalist hüquqlarına iddialı olmayan ictimai fəal olaraq hadisələrə şəxsi münasibətimizi bildirərərkən, sosial media məlumatlarındanda istifadə edirik! Nurəddin Xoca
Məlumat internet səhifələrində istifadə edildikdə müvafiq keçidin qoyulması mütləqdir.
E-mail: n_alp@mail.ru