Doroqusk-Yaqodin keçid məntəqəsini keçməyi planlaşdıran yük avtomobilinin ukraynalı sürücüsü avtomobildə ölüb.

Ukraynanın infrastruktur nazirinin müavini Sergey Derkaçın sözlərinə görə, faciə Polşanın Çelm şəhərində, Doroqusk-Yaqodin keçid məntəqəsindən bir qədər aralıdakı avtomobil dayanacağında baş verib.

Məlumdur ki, 54 yaşlı kişi dayanacağa gələrək keçidi gözləyib.
Nazir müavininin sözlərinə görə, ölümün səbəbləri ilə bağlı yekun məlumat Polşa prokurorluğu tərəfindən bütün detallar öyrənildikdən sonra ayrıca açıqlanacaq. Hazırda ölümün qeyri-təbii səbəblərdən baş verdiyinə inanmaq üçün heç bir əsas yoxdur.

Mənbə: unian.net