Rusiyanın itkiləri kəskin artdı – Bir günə yüzlərlə hərbçisi məhv edildi
6-06-2023, 13:45
Rusiya ordusunun Ukraynada gündəlik itkiləri kəskin şəkildə artıb.
Teleqraf.com xəbər verir ki, bu barədə Ukrayna Silahlı Qüvvələrinin Baş Qərargahı məlumat yayıb.
Son sutka ərzində rus ordusu 800-ə yaxın hərbçisini itirib. Əvvəlki gün isə bu rəqəm təxminən 400 olub.
Ümumilikdə, ötən ilin fevralın 24-dən bəri Rusiya Ukraynada 211 150 hərbçisini itirib.
Rusiyanın döyüş texnikalarında da itkiləri artıb. Gün ərzində rusların 12 tankı, 20 zirehli döyüş texnikası, 36 artilleriya sistemi, 6 yaylım atəşi sistemi, 2 hava hücumundan müdafiə sistemi, 1 helikopteri, 23 PUA-sı, 35 qanadlı raketi, 20 nəqliyyat vasitəsi və yük maşını, eləcə də 5 xüsusi texnikası məhv edilib.
