İtaliyanın baş nazirinin müavini və xarici işlər naziri Antonio Tayani iyunun 11-də “La Repubblica” nəşrinə verdiyi şərhdə bildirib ki, bu yaxınlarda yerli klinikalardan birinə yerləşdirilən ölkənin keçmiş baş naziri Silvio Berluskoninin vəziyyəti narahatlıq doğurmur.

“Onun vəziyyəti narahatlıq doğurmur. Müayinələrdən keçib, yaxın günlərdə xəstəxanadan buraxılacaq”, – deyə siyasətçi qeyd edib.

Bildirilir ki, Berluskoninin xəstəxanaya yerləşdirilməsinə hər hansı kritik vəziyyət deyil, həkimlərin müalicə oluna biləcəyinə inandığı xəstəliyi (mielomonositar leykemiya) səbəb olub.
Xatırladaq ki, iyunun 9-da 86 yaşlı Berluskoni San Raffaele klinikasına yerləşdirilib.

Mənbə: rossaprimavera.ru