Müsavat Partiyasının sonuncu məclisinin iclasında Vurğun Əyyubun üzvlükdən çıxarılmasından sonra partiya rəhbərliyinə qarşı sosial şəbəkələrdə müxtəlif tonda iradlar səsləndirilib.

Əksəriyyət hesab edir ki, V.Əyyubun məclis üzvlüyündən çıxarılması doğru qərar deyil. Partiya rəhbərliyi isə bu addımlarını onunla əsaslandırıblar ki, V.Əyyub məclisin iclaslarına qatılmadığı üçün onu bu vəzifədən azad ediblər.

Hafta.az-ın məlumatına görə, “Müsavat”ın Mərkəzi İcra Aparatının rəhbəri Gülağa Aslanlı isə bütün söylənilənlərə aşağıdakı cavabı verib:

“Müsavat Partiyası, onun lideri, başqanı, məclisin sədri və partiyanın strukturlarında təmsil olunan müsavatçılar barəsində yalan, iftira və böhtan yazan, yayan və paylaşanlar, özləri barədə həqiqətləri oxumalı və eşitməli olacaqlar. Deməyin ki, demədi”.