Qurbanov Əbülfət Tanrıverdi oğlu 44 günlük Vətən müharibəsinin qazisidir.

2000-ci il 15 sentyabrın Bakı şəhərində anadan olub. Suraxanı rayonun Qaraçuxur qəsəbəsində yaşayır. Müharibə başlayanda 18 ayın əsgəri olub.

2020-ci il sentyabrın 27-dən sonra Füzuli, Cəbrayıl, Qubadlı, Laçın uğrunda gedən döyüşlərdə iştirak edib. Noyabrın 2-də Laçında yaralanıb. Sol ayağı ombadan, sağ ayağı isə dizdən aşağı sınıb. Hazırda əməliyyata ehtiyacı var.

Əbülfət Qurbanov Modern.az saytı vasitəsilə “YAŞAT” Fonduna müraciət edib.

“Mən ayaqlarımın müalicəsi üçün “YAŞAt” Fondundan yardım istəyirəm. Yenidən sağlamlığıma qayıtmağım üçün Türkiyədə müalicə almalıyam. Hər iki ayağım əməliyyat olunmalıdır. Artıq 7 aydır ki, yataq xəstəsiyəm. Bud sümüyümün bir yoxdur, oturaq sümüyü isə zədələnib. Xahiş edirəm, mənə kömək olunsun!”.