Azərbaycanın xalq artisti, müğənni və iş adamı Emin Ağalarov ikinci dəfə evlənib.

BakuPost xəbər verir ki, onun həyat yoldaşı fotomodel Alyona Qavrilovadır. Toy mərasimi Moskvanın kənarında yerləşən "Agalarov Estate" qolf klubda baş tutub. Mərasimə yalnız cütlüyün ən yaxın dostları - Valeri Meladze, Aleksandr Serov, Zara, Olqa Orlova, Sergey Kojevnikov dəvət olunub.

38 yaşlı müğənni və 30 yaşındakı model üçün bu ilk nikah deyil. Alyona əvvəllər milyarder Rüstəm Tariko ilə münasibətdə olub və ondan bir oğlu var.

Emin isə Leyla Əliyeva ilə ailəli olub. Bu evlilikdən onların Əli və Mikayıl adlı əkiz oğulları var.