Çarter reysi ilə Ankaradan İrəvana kim gəlib? – TƏFƏRRÜAT
2-10-2021, 20:27
Ankaradan İrəvana uçan xüsusi təyyarə heç bir sərnişin gətirməyib, iki əcnəbini İrəvandan Türkiyəyə aparıb.
Bizim.Media “armeniasputnik.am”a istinadən xəbər verir ki, bu barədə Ermənistan hökuməti yanında Dövlət Aviasiya Komitəsi "168 Jam" qəzetinin sentyabrın 24-də göndərdiyi sorğusuna cavab olaraq bildirib.
Sentyabrın 23-də Türkiyənin "Vizyon Havacılık" şirkətinin 12 nəfərlik “Cessna Citation Xls” təyyarəsi Ankara-İrəvan-Bodrum marşrutu üzrə çarter-biznes uçuşları həyata keçirib.
Göstərilən uçuşda Ankaradan sərnişin gəlməyib, iki xarici vətəndaş İrəvandan Bodruma gedib.
