COVID-19 virusunun mutasiyaları suda aşkarlanmağa başlayıb.

Teleqraf.com xəbər verir ki, türkiyəli mütəxəsislər suda tədqiqatlar aparan zaman COVID-19-un mutasiyalarını aşkarlayıblar.

Məlumata görə, 81 rayonun suyundan analizlər götürülüb. Aprel ayında İstanbul, Ankara, İzmir, Antaliya, Konya, Adana, Şanlıurfa, Əzurum ve Samsundan götürülən analizlərdə suyun 40 faizində Britaniya ştammı, 60 faizində isə COVID-19 virusu qeydə alınıb.

Layihə üzərində işləyən professor Əhməd Mete Saatçı bildirib ki, çirkab sularda analizlər aparmaq asandır: “Bununla virusun artıb və ya azalacağını tədqiq edə bilirik. Beləliklə, ölkədə virusun yayılması üzrə xəritələri aşkarlayacağıq”.

Professor qeyd edib ki, suda tədqiq edilən virus adətən canlı olmur: “Çirkab suların palçıqlı hissəsində təmiz su var. Palçıqda ilk canlı virusu İstanbuldan götürdüyümüz analizlərdə aşkarladıq. Virusun canlı aşkarlanması 15 gün vaxtımızı alır. Bizə də maraqlıdır ki, virus bu qədər müddətdə necə yaşaya bilir. Əksər hallarda virusu parçalanmış halda tapırıq”.